பட்ஜெட் விவாதத்தை ஒத்திவைக்க அவசர கூட்டம்

பாதகமான வானிலை காரணமாக பட்ஜெட் மீதான குழுநிலை விவாதத்தை ஒத்திவைப்பது குறித்து முடிவு செய்ய இன்று (27)  பிற்பகல் 2.00 மணிக்கு கட்சித் தலைவர்கள் கூடவுள்ளதாக அமைச்சர் சமந்த வித்யாரத்ன தெரிவித்தார்.

பேரிடர் நிவாரணப் பணிகளில் ஈடுபடுவதற்காக விவாதத்தை ஒத்திவைக்குமாறு சில எம்.பி.க்கள் விடுத்த கோரிக்கையைத் தொடர்ந்து கட்சித் தலைவர்கள் கூடி விவாதிக்க முடிவு செய்ததாக அமைச்சர் வித்யாரத்ன பாராளுமன்றத்தில் தெரிவித்தார்.

வானிலை ஆய்வு மையத்தின் முன்னறிவிப்புகளின்படி பாதகமான வானிலை நிலைமைகள் மோசமடைந்து வருவதாக அவர் கூறினார்.