பஸ் விபத்தில் 26 பேர் காயம்

தம்புள்ளை கெக்கிராவ பிரதான வீதியில் மிரிஸ்கோனிய பிரதேசத்தில் இன்று ஞாயிற்றுக்கிழமை(30) ஏற்பட்ட வாகன விபத்தில் 26 பேர் காயமடைந்துள்ளனர்.

பஸ் மற்றும் லொறி என்பன மோதி இந்த விபத்து ஏற்பட்டுள்ளதுடன் காயமடைந்தவர்களில் 18 பேர் தம்புள்ளை வைத்தியசாலையில் அனுமதிக்கப்பட்டுள்ளனர்.

வவுனியாவிலிருந்து கொழும்பு நோக்கி பயணித்த தனியார் அரை சொகுசு பஸ்ஸே இவ்வாறு விபத்துக்குள்ளாகியுள்ளது.

விபத்தையடுத்து பஸ்ஸின் சாரதி தப்பியோடியுள்ளதாகவும் அதிவேகமாக பஸ்ஸை செலுத்தியமையே இந்த விபத்துக்கு காரணம் என தெரிவிக்கப்பட்டுள்ளது.