‘பாதிப்பை ஏற்படுத்துபவர்களுக்கு எதிராக சட்ட நடவடிக்கை’

தொல்பொருள் கட்டளைத் திருத்த சட்டத்தின் கீழ் உள்ளடக்கப்பட்டுள்ள இடங்களுக்கு, பாதிப்பை அல்லது இடையூறை ஏற்படுத்தும் வகையில் செயற்படும் நபர்களுக்கெதிராக கடுமையான சட்ட நடவடிக்கைகள் எடுக்கப்படும் என்று தொல்​பொருள் திணைக்களத்தால் தெரிவிக்கப்பட்டுள்ளது.

அமைச்சர் சஜித் பிரேமதாஸவின் ஆலோசனையின் படியே, இந்த சட்ட நடவடிக்கைகளை முன்னெடுக்கத் தீர்மானித்துள்ளதாகத் திணைக்களத்தால் மேலும் தெரிவிக்கப்பட்டுள்ளது.

அத்தோடு கடந்த நாள்களில் புத்தர் சிலைக்கு, ​சேதம் விளைத்தவர்களென அடையாளங்காணப்பட்ட சந்தேகநபர்கள் 11 பேரை, மாவனெல்ல நீதவான் நீதிமன்றத்தில் இன்று (30) ஆஜர்படுத்தியதாகவும் மேலும் திணைக்களத்தால் குறிப்பிடப்பட்டுள்ளது.