பாண் விற்ற மூவருக்கு தண்டம்

பாண் இறாத்தல் கொண்டிருக்கவேண்டிய நிறையில், 110 கிராம் குறைந்து தயாரிக்கப்பட்ட பாண்களை விற்பனைச்செய்தோம் என்ற குற்றச்சாட்டை ஏற்றுக்கொண்ட மூன்று பேக்கரிகளின் உரிமையாளர்களுக்கு தலா 2,000 ரூபாய் வீதம் தண்டம் விதிக்கப்பட்டுள்ளது.

தங்கள் மீது சுமத்தப்பட்டுள்ள குற்றச்சாட்டை அவர்கள் ஏற்றுக்கொண்டதையடுத்தே நுகேகொடை மேலதிக நீதிவானும் மற்றும் மேலதிக மாவட்ட நீதிவானுமாகிய அனுஷ்க செனவிரத்ன உத்தரவிட்டார்.

அளவீடு மற்றும் தரநிர்ணய திணைக்கள அதிகாரிகளே, பிரதிவாதிகளுக்கு எதிராக வழக்குத்தாக்கல் செய்திருந்தனர்.