’மக்களுக்கான நிவாரணங்களை உடன் வழங்குங்கள்’

நாட்டில் தொடரும் மழையுடன் கூடிய வானிலையால் பாதிக்கப்பட்டுள்ள மக்களுக்குத் தேவையான நிவாரணங்களை, உடனடியாக வழங்க நடவடிக்கை எடுக்குமாறு, ஜனாதிபதி மைத்திரிபால சிறிசேனவினால், உரிய அதிகாரிகளுக்கு பணிப்புரை விடுக்கப்பட்டுள்ளது.

இரண்டு நாள்கள் உத்தியோகபூர்வ விஜயத்தை மேற்கொண்டு, சீஷெல்ஸ் சென்றுள்ள ஜனாதிபதி, அங்கிருந்தே, மேற்படி பணிப்புரையை விடுத்துள்ளார்.

அத்துடன், அனர்த்த முகாமைத்துவ அமைச்சர் துமிந்த திசாநாயக்கவையும் தொடர்புகொண்டுள்ள ஜனாதிபதி, பாதிக்கப்பட்டுள்ள மக்களுக்கு நிவாரணம் வழங்குவதில், நிதி ஒதுக்கீட்டைப் பிரச்சினையாக்கிக் கொள்ளாது, உரிய உதவிகளை, உடனடியாக வழங்குமாறு ஆலோசனை வழங்கியுள்ளார்.