மதுஷுக்கு உதவிய சிவாவைத் தேடும் பொலிஸ் விசேட படையணி

மாக்கந்துரே மதுஷ் இந்தியா செல்ல உதவியதாகக் கருதப்படும் சிவா என்ற நபரைத் தேடி கொச்சிக்கடைப் பிரதேசத்தில் பொலிஸ் விசேட படையணியினர் பரிசோதானைகளை முன்னெடுத்திருந்ததாகத் தெரிவிக்கப்படுகின்றது.

எனினும் சிவா குறித்தப் பிரதேசத்தில் இருந்து தலைமறைவாகியிருப்பதாகவும் தகவல்கள் தெரிவித்துள்ளன.

இதேவேளை மட்டக்குளி- மாதம்பிட்டி பிரதேசத்தில் வைத்து அந்தரேவத்தே சாமர என்ற நபர் பொலிஸ் விசேடப் படையணியால் இன்று காலை கைதுசெய்யப்பட்டுள்ளாரென்றும், இவர் மாக்கந்துரே மதுஷுடன் நெருக்கமானவர் என்றும் தெரிவிக்கப்பட்டுள்ளது.

இவரைக் கைதுசெய்யும் போது, இவரிடமிருந்து கைக்குண்டு ஒன்றும் 5 கிராம் ஹெரோய்னும் கைப்பற்றப்பட்டதாக பொலிஸ் விசேடப் படையணியினர் தெரிவித்துள்ளனர்.