மனைவி படுகொலை; கணவன் கைது

ஆ.ரமேஸ்

பூண்டுலோயா பொலிஸ் பிரிவுக்கு உட்பட்ட கொஸ்காபத்தனை கிராமத்தில் மனைவியை பொல்லால் தாக்கி படுகொலை செய்தார் என்ற குற்றச்சாட்டில் கணவனைக் கைது செய்துள்ளதாக பூண்டுலோயா பொலிஸார் தெரிவித்தனர்.

இன்று (09) மாலை 06.30 மணியலவில் இடம்பெற்றுள்ள இச்சம்பவத்தில்,
இரண்டு பிள்ளைகளின் தாயான யூ.எம்.கீத்தானி சகுந்தலா (வயது 29) என்பவரே உயிரிழந்துள்ளார் என்றும் பொலிஸார் தெரிவித்தனர்.

52 வயதுடைய கணவனைக் கைது செய்துள்ளதாகத் தெரிவித்த பொலிஸார், சடலம் மரண விசாரணைகளின் பின் பிரதே  பரிசோதனைக்காக நாவலப்பிட்டிய வைத்தியசாலைக்கு கொண்டு செல்லப்படுமெனவும் சம்பவம் தொடர்பில் மேலதிக விசாரணைகளை மேற்கொண்டு வருகின்றனர்.