மாலைத்தீவு ஜனாதிபதி இலங்கைக்கு விஜயம்

மாலைத்தீவு ஜனாதிபதி கலாநிதி முகமது முயிசு (Mohamed Muizzu), இலங்கைக்கு உத்தியோகபூர்வ விஜயமொன்றை மேற்கொண்டு ஞாயிற்றுக்கிழமை (03) பிற்பகல் கட்டுநாயக்க சர்வதேச விமான நிலையத்தை வந்தடைந்தார்.

ஜனாதிபதியுடன் அவரது பாரியார் மற்றும் 20 உயர் அதிகாரிகள் அடங்கிய தூதுக்குழுவினரும் வருகை தந்துள்ளனர். இவர்கள் ஞாயிற்றுக்கிழமை (03) மாலை 5:33 மணியளவில் மாலைத்தீவின் மாலே நகரிலிருந்து ஸ்ரீலங்கன் ஏர்லைன்ஸின் ‘யு.எல்-116’ (UL-116) ரக விமானம் மூலம் கட்டுநாயக்க விமான நிலையத்தை சென்றடைந்தனர்.

வருகை தந்த மாலைத்தீவு ஜனாதிபதி மற்றும் தூதுக்குழுவினரை வரவேற்பதற்காக பிரதமர் ஹரினி அமரசூரிய உள்ளிட்ட முக்கிய பிரமுகர்கள் கட்டுநாயக்க விமான நிலையத்திற்கு  சென்றிருந்தனர்.

இலங்கைக்கான உத்தியோகபூர்வ விஜயத்தை நிறைவு செய்துகொண்டு, ஜனாதிபதி முகமது முயிசு உள்ளிட்ட தூதுக்குழுவினர் எதிர்வரும் 06-ஆம் திகதி மீண்டும் மாலைத்தீவு நோக்கிப் புறப்படவுள்ளனர்.

டி.கே.ஜி. கபில