முதலாம் திகதியிலிருந்து தடை

சீகிரிய குன்று அமைந்துள்ள பகுதிக்கு பொலித்தீன் சார்ந்த உற்பத்திப் பொருட்கள் கொண்டு செல்வது பெப்ரவரி மாதம் முதலாம் திகதியிலிருந்து தடை செய்யப்படவுள்ளது.

குறித்த வலயமானது முதலாம் திகதியிலிருந்து பொலித்தீன் உள்ளிட்ட கழிவுகளற்ற வலயமாக பிரகடனப்படுத்தப்படுவதற்கு மத்திய கலாசார நிதியம் தீர்மானித்துள்ளது.

வீடமைப்பு, நிர்மாணம் மற்றும் கலாசார அலுவல்கள் அமைச்சர் சஜித் பிரேமதாஸவின் அறிவுரைக்கமைய இத்தீர்மானம் எடுக்கப்பட்டதாக நிதியம் தெரிவித்துள்ளது.

அதற்கமைய எதிர்வரும் முதலாம் திகதியிலிருந்து குறித்தப் பிரதேசத்துக்கு கொண்டு செல்லப்படும் உணவு வகைகள் உள்ளிட்டவைகளை பொலித்தீன் பைகளால் கொண்டு செல்வதற்கு உள்நாட்டு, வெளிநாட்டு சுற்றுலாப் பயணிகளுக்கு தடைவிதிக்கப்பட்டுள்ளது.