‘மேல் மாகாணத்தில் 25 பாதாளக்குழுக்கள் செயற்படுகின்றன’

மேல் மாகாணத்தில் 25 பாதாளக்குழுக்கள் உள்ளதாகத் தெரிவித்த மேல் மாகாணத்துக்குப் பொறுப்பான சிரேஷ்ட பிரதி பொலிஸ்மா அதிபர் தேசபந்து தென்னகோன், புலனாய்வுத் தகவல்கள் மூலம் இந்த விடயம் உறுதி செய்யப்பட்டுள்ளதென்றார்.

இன்று (19) பொலிஸ் தலைமையகத்தில் நடைபெற்ற ஊடகவியலாளர் சந்திப்பிலேயே அவர் மேற்கண்டவாறு தெரிவித்தார்.

இந்த 25 குழுக்களில் 20 குழுக்கள் இப்போதும் பல குற்றச் செயல்களுடன் தொடர்புபட்டு  இயங்குவதாகத் தெரிவித்த அவர், இந்த 20 குழுக்களுடன் சுமார் 388 ​பேர்  இணைந்திருப்பதாகவும் இவர்களில் பலர் தற்​போது சிறையில் உள்ள நிலையில், இவர்கள் சிறையில் இருந்தவாறே குற்றச் செயல்களுடன் ஈடுபடுவதாகவும் தெரிவித்தார்.

இந்த 388 உறுப்பினர்களுளு் 26 பேர்  தற்போது கைதுசெய்யப்பட்டுள்ளதுடன், இவர்கள் குற்றச் செயல்களுக்கு பயன்படுத்திய ஆயுதங்கள், வாகனங்கள் என்பன கைப்பற்றப்பட்டுள்ளன என்றார்.