மாணிக்க கங்கையிலுள்ள முதலைகளை பிடிக்க தீர்மானம்

கதிர்காமம் மாணிக்க கங்கையிலுள்ள முதலைகளை பிடிப்பதற்கு வனவிலங்கு திணைக்களம்  நடவடிக்கை எடுத்துள்ளது.

கதிர்காமத்திற்கு யாத்திரை வரும் மக்களது பாதுகாப்பை கருத்திற் கொண்டு மேற்படி தீர்மானத்தை எடுத்துள்ளதாக திணைக்களத்தின் பணிப்பாளர் கூறினார்.

இது குறித்து அவர் மேலும் தெரிவித்தாவது, கடந்த இரண்டு வருடங்களில் முதலைகளின் தாக்குதலுக்கு இலக்காகி  4 பேர் உயிரிழந்துள்ளனர் என கூறினார்.

இதேவேளை, மாணிக்க கங்கைப் பகுதியில் சில  அபிவிருத்தித்  திட்டங்களை மேற்கொள்ள தீர்மானித்துள்ளதாகவும் அவர் தெரிவித்தார்.