மின்சாரம், நீர், மருந்துக்கு வட் இல்லை: ஹலோவுக்கு வரி

எதிர்வரும் மே மாதம் 2ஆம் திகதி முதல் அமுலுக்கு வரவுள்ள வட் வரி அதிகரிப்பினால், நீர், மின்சாரக் கட்டணங்களும் மருந்துகளின் விலைகளும் அதிகரிக்கப்பட மாட்டாது. அதனால், பொதுமக்கள் அது தொடர்பில் அச்சம்கொள்ளத் தேவையில்லை என்று நிதி இராஜாங்க அமைச்சர் லக்ஷ்மன் யாப்பா அபேவர்தன தெரிவித்தார்.

அமைச்சரவைத் திர்மானங்களை அறிவிக்கும் செய்தியாளர் மாநாடு, கொழும்பு தகவல்திணைக்களத்தில் இன்று முற்பகல் இடம்பெற்றது. இதன்போதே அமைச்சர் மேற்கண்டவாறு கூறினார்.

அங்கு தொடர்ந்து உரையாற்றிய இராஜாங்க அமைச்சர், 'ஆடம்பரப் பொருட்கள் மற்றும் தொலைபேசிக் கட்டணங்கள் அதிகரிக்கப்படும்' என்றார்.