ரஜரட்டை பல்கலைக்கழகம் மீண்டும் 16ஆம் திகதி திறக்கப்படும்

கடந்த 29ஆம் திகதியிலிருந்து மூடப்பட்டிருந்த ரஜரட்ட பல்கலைக்கழகத்தை எதிர்வரும் 16ஆம் திகதியிலிருந்து மீண்டும் திறப்பதற்கு பல்கலைக்கழக நிர்வாகம் தீர்மானித்துள்ளதாக பல்கலைக்கழகத்தின் துணைவேந்தர் ஆனந்த கருணாரத்ன தெரிவித்துள்ளார்.

பல்வேறு காரணங்களால் வகுப்புத் தடை விதிக்கப்பட்டுள்ள 16 மாணவர்களின் வகுப்புத் தடையையும் நீக்குவதற்கு நிர்வாக சபை தீர்மானித்துள்ளதாகவும் அவர் தெரிவித்துள்ளார்.

வகுப்புத் தடை விதிக்கப்பட்டுள்ள 16 மாணவர்களினதும் வகுப்புத் தடையை நீக்குமாறு கோரி கடந்த 29ஆம் திகதி பல்க​லைக்கழக மாணவர்களால் பல்கலைக்கழக வளாகத்தில் ஆர்ப்பாட்டம் ஒன்று முன்னெடுக்கப்பட்டதையடுத்து, மஹிந்தலை வளாகத்தில் அமைந்துள்ள 4 பீடங்கள் மூடப்பட்டன.

இதற்கமைய கடந்த வௌ்ளிக்கிழமை கூடிய நிர்வாக சபை குறித்த 16 மாணவர்களின் வகுப்புத் தடையை நீக்கவும் பல்கலைக்கழகத்தை மீண்டும் 16ஆம் திகதி திறக்கவும் தீர்மானித்ததாக துணைவேந்தர் ஆனந்த கருணாரத்ன தெரிவித்துள்ளார்.