ராஜிதவை ஒழித்து வைத்தவர்களுக்கு எதிராக சட்டநடவடிக்கை

கைது செய்யுமாறு பிடியாணை பிறப்பிக்கப்பட்ட நிலையில், முன்னாள் அமைச்சர் ராஜிதவை ஒழித்து வைத்து உதவி செய்தவர்களுக்கு எதிராக சட்ட நடவடிக்கை எடுக்க வேண்டுமென, சுற்றுலாத்துறை அமைச்சர் பிரசன்ன ரணதுங்க தெரிவித்துள்ளார்.

உடுகம்பொல பிரதேசத்திலுள்ள ஸ்ரீ லங்கா பொதுஜன பெரமுன கட்சி அலுவலகத்தில் நடைபெற்ற நிகழ்வொன்றில் கலந்துகொண்டு உரையாற்றும் போதே, மேற்கண்டவாறு தெரிவித்தார்.

ராஜிதவை கைதுசெய்வதற்கு பிடியாணை பிறப்பிக்கப்பட்டிருந்த இரண்டு நாள்களிலும் அவர், நாட்டின் முன்னாள் தலைவரின் வீட்டில் மறைந்திருந்ததாக தகவல்கள் வெளிவந்துள்ளன. எனவே, ராஜிதவுக்கு அடைக்கலம் கொடுத்தவர்களுக்கு எதிராக, தராதரம் பாராது சட்ட நடவடிக்கை எடுக்க வேண்டும் என்றும் தெரிவித்தார்.