​லொறி ஓட்டோவுடன் மோதுண்டதில் ஒருவர் பலி

செங்கற்களை ஏற்றிகொண்டு ராவதாவத்த பகுதியிலிருந்து, காலி வீதி ஊடாக கொழும்பு நோக்கிப் பயணித்த லொறி, ஓட்டோவொன்றுடன் மோதுண்டு விபத்துக்குள்ளானதில், ஓட்டோவில் பயணித்த ஒருவர் உயிரிழந்துள்ளார்.

இந்த விபத்து, மொரட்டுவ- ​டிரோன் பெர்னாண்டோ விளையாட்டு மைதானத்துக்கருகில்,  இன்று காலை (24) இடம்பெற்றுள்ளது.

விபத்தில், ஓட்டோ சாரதி படுகாயமடைந்த நிலையில் வைத்தியசாலையில் அனுமதிக்கப்பட்டுள்ளார்.

கொழும்பு-மருதானையைச் சேர்ந்த 53 வயதுடைய நப​ரே விபத்தில் உயிரிழந்துள்ளதுடன், விபத்து தொடர்பான மேலதிக விசாரணைகளை, மொரட்டுவ பொலிஸார் மேற்கொண்டு வருகின்றனர்.