வான் திருட்டு சம்பவம்; இருவர் கைது

வான் திருட்டு சம்பவம் தொடர்பில் சந்தேகநபர்கள் இருவரை பிலியந்தலை பிரதேசத்தில் வைத்து பொலிஸார் கைது செய்துள்ளனர்.

கடந்த மாதம் 3ஆம் திகதியன்று தெஹிவளை பிரதேசத்தில் வைத்து வான் ஒன்றை திருடியமை தொடர்பில் தெஹிவளை ​பொலிஸாருக்கு கிடைக்கப்பெற்ற தகவலையடுத்து, குறித்த பகுதிக்கு விரைந்த பொலிஸாரால் விசாரணைகள் முன்னெடுக்கப்பட்டிருந்தன.

விசாரணைகளின் அடிப்படையில் இருவர் கைது செய்யப்பட்ட நிலையில், குறித்த நபர்களை கல்கிசை நீதிமன்றத்தில் ஆஜர்படுத்த நடவடிக்கைகள் மேற்கொள்ளப்பட்டுள்ளதாகத் தெரிவிக்கப்பட்டுள்ளது.