விசேட சோதனை 1,406 பேர் சிக்கினர்

மேல் மாகாணத்தில் நேற்றைய தினம் முன்னெடுக்கப்பட்ட விசேட சோதனை நடவடிக்கையின்போது, பிடியாணை பிறப்பிக்கப்பட்டிருந்த 681 பேர் உள்ளிட்ட 1,406 பேர் கைதுசெய்யப்பட்டுள்ளனரென, பொலிஸ் ஊடகப் பேச்சாளர் தெரிவித்துள்ளார்.

இந்த சோதனை நடவடிக்கை காலை 6.00 மணி தொடக்கம் பி.ப 4.00 மணி வரை முன்னெடுக்கப்பட்டதாக அவர் தெரிவித்துள்ளார்.

கைது செய்யப்பட்ட சந்தேக நபர்களிடையே குற்றச் செயல்களுடன் தொடர்புடைய 44 பேர் உள்ளடங்குகின்றனர் எனவும்  பொலிஸ் ஊடகப் பேச்சாளர் தெரிவித்துள்ளார்.