வீதி விபத்துகளால் அதிகமானோர் பலி

வீதி விபத்துகள் அதிகரித்து வருவதையிட்டு, மேல் மாகாணத்தில் நேற்றைய தினம் முன்னெடுக்கப்பட்ட சோதனை நடவடிக்கைகளின்போது, 185 பேருக்கு எதிராக சட்ட நடவடிக்கை எடுக்கப்பட்டுள்ளதாக பொலிஸார் தெரிவித்துள்ளனர்.

இதன்போது, 4,962 வாகனங்கள் சோதனைக்கு உட்படுத்தப்பட்டதையடுத்து, அவற்றுள் அதிக வேகத்தில் வாகனம் செலுத்திய சாரதிகள் மற்றும் மோட்டார் சைக்கிள் ஓட்டுநர்களுக்கு எதிராக சட்ட நடவடிக்கை எடுக்கப்பட்டுள்ளது. 

அத்துடன், நாளாந்தம் வீதி விபத்துகளால் 7 அல்லது 8 பேர் உயிரிழக்கின்றனர் என, பிரதிப் பொலிஸ் மா அதிபர் அஜித் ரோஹன தெரிவித்துள்ளார்.