வெளிநாட்டவர் மூவர் சிக்கினர்

காலி பஸ் நிலையத்துக்கு முன்பாக உள்ள பணம் பெறும் தன்னியக்க இயந்திரத்திலிருந்து பணத்தைக் களவெடுப்பதற்கு முயன்றனர் என்ற குற்றச்சாட்டின் பேரில் வெளிநாட்டவர் மூவர், கைதுசெய்யப்பட்டுள்ளனர் என்று பொலிஸார் தெரிவித்தனர்.

அந்த மூவரையும் வங்கிச் சேவையாளரே பிடித்து பொலிஸாரிடம் ஒப்படைத்துள்ளார். அந்த மூவரும் மிகவும் சந்தேகத்துக்கிடமான முறையில், சுற்றித்திரிவதாக கிடைத்த தகவலையடுத்தே, வங்கிச் சேவையாளர் அவ்விடத்தை சோதனைக்கு உட்படுத்தியுள்ளார்.

அதன் பின்னரே அந்த மூவரையும் அவர், பிடித்து பொலிஸாரிடம் கையளித்துள்ளார். இதேவேளை, அவர்களிடமிருந்து காட் அட்டைகள் பலவும் மீட்கப்பட்டுள்ளதாக பொலிஸார் தெரிவித்தனர்.