ஹட்டன் - மஸ்கெலியா வீதியில் கோர விபத்து

ஹட்டன் - மஸ்கெலியா பிரதான வீதியில் டிக்கோயா நகருக்கு அருகில் நேற்று அதிவேகத்தில் பயணித்த முச்சக்கர வண்டி தனியார் பேருந்துடன் மோதி ஏற்பட்ட விபத்தில் முச்சக்கர வண்டியில் பயணித்த ஆறு பேர் படுகாயமடைந்து வைத்தியசாலையில் அனுமதிக்கப்பட்டுள்ளனர். 

காயமடைந்தவர்களில் ஆபத்தான நிலையில் இந்த மூன்று பேர் மேலதிக சிகிச்சைகளுக்காக கண்டி போதனா வைத்தியசாலைக்கு மாற்றப்பட்டதாக ஹட்டன் பொலிஸார் தெரிவித்தனர். 

இதில்,முச்சக்கர வண்டியின் சாரதி அதிக மதுபோதையில் இருந்ததாக தெரியவந்துள்ளது. 

விபத்து தொடர்பில் பேருந்தின் சாரதியை ஹட்டன் பொலிஸார் கைது செய்துள்ளனர். R