ஹோட்டன் சமவௌிப் பிரதேசத்துக்கு அதிக வருமானம்

வனஜீவ திணைக்களத்தால் நிர்வகிக்கப்படும் ஹோட்டன் சமவௌி பிரதேசத்தை பார்வையிட வரும் சுற்றுலாப் பயணிகளின் எண்ணிக்கை அதிகரித்துள்ளதாகத் தெரிவிக்கப்படுகின்றது.

கடந்த டிசெம்பர் மாதம்  29 ஆம் திகதி வரலாற்றிலேயே அதிக வருமானம் பெறப்பட்ட நாளென்றும் குறித்த நாளில் 29 இலட்ச ரூபாய் வருமானம் பெறப்பட்டதாக ஹோட்டன் சமவௌி பகுதிக்கு பொறுப்பான ஜீ.கே.பீ.எம். பிரதீப் குமார தெரிவித்துள்ளார்.

குறித்த ஹோட்டன் சமவௌி பிரதேசத்திலேயே உலக முடிவு என்று அழைக்கப்படும் பகுதி அமைந்துள்ளதுடன், 12 வருடங்களுக்கு ஒரு முறை மலரும் குறிஞ்சிப் பூவும் இங்கு தற்போது மலர்ந்துள்ளமைக் குறிப்பிடத்தக்கது.