'போராட்டத்தில் ஈடுபடப் போவதில்லை'

எதிர்வரும் டிசெம்பர் முதலாம் திகதி நடைபெறவுள்ளதாக கூறப்படும் பஸ் பணிப்பகிஷ்கரிப்புக்கும், தமக்கும் எவ்வித தொடர்புகள் இல்லை என்றும் பொறுப்பு வாய்ந்த தொழிற்சங்கம் என்ற வகையில்,  பொதுமக்களை கொல்வதற்கான அனுமதிக் கோரி தாம் பணிப்பகிஷ்கரிப்பில் ஈடபோவதில்லை என்றும் தனியார் பஸ் ஊழியர்களின் சங்கம் கூறியுள்ளது.

வீதிச் சட்டங்களை மீறுகின்ற 7 பாரிய குற்றங்களுக்கான ஆகக் குறைந்த அபராதத் தொகையை 25 ஆயிரம் ரூபாய் வரையிலும் அதிகரித்துள்ள அரசாங்கம், அனுமதிப்பத்திரமின்ற பஸ் செலுத்துவோரிடமிருந்து அறவிப்படும் அபராதத்தை, இரண்டு இலட்சம் ரூபாய் வரையிலும்  அதிகரித்துள்ளது.

இதற்கு எதிர்ப்புத் தெரிவித்து, எதிர்வரும் டிசெம்பர் மாதம் 1 ஆம் திகதி பணிப்பகிஷ்கரிப்பில் ஈடுபடவுள்ளதாக பஸ் சங்கங்கள் பல, நேற்று வியாழக்கிழமை அறிவித்திருந்தமை குறிப்பிடத்தக்கது