8,50,000 ரூபாய் அச்சுறுத்தி அபகரிப்பு

இருவேறு சம்பவங்களில் 8 இலட்சத்து 50 ஆயிரம் ரூபாய் அபகரிக்கப்பட்டுள்ளதாக பொலிஸார் தெரிவித்தனர்.

பொலிஸார் என்று தங்களை கூறிக்கொண்டு வந்த இருவர், மீன் வர்த்தகரை அச்சுறுத்தி அவரிடமிருந்த 3 இலட்சத்து 50 ஆயிரம் ரூபாய் பணத்தை அபகரித்து சென்றுள்ளனர். இந்த சம்பவம் கொஸ்கமவில் இடம்பெற்றுள்ளது.

இதேவேளை, ரத்கமவில் உள்ள மதுபானசாலையொன்றுக்கு மோட்டார் சைக்கிளில் வந்திருந்த இருவர், மதுபான சாலையின் முகாமையாளருக்கு கத்தியை காண்பித்து அச்சுறுத்தி 5 இலட்சம் ரூபாய் பணத்தை அபகரித்துசென்றுள்ளனர் என்று பொலிஸார் தெரிவித்தனர்.