’16 மீனவர்கள் கைது’

முல்லைத்தீவு மாவட்டத்தில்  சட்டவிரோதமான முறையில் மீன்பிடி நடவடிக்கைகளில் ஈடுபட்ட 16 மீனவர்கள் கடற்படையினரால் கைது செய்யப்பட்டுள்ளனர்.

கடற்படையினரால் மேற்கொள்ளப்பட்ட கண்காணிப்பு நடவடிக்கைகளின் போது, தடை செய்யப்பட்ட வலைகளைப் பயன்படுத்தி மீன்பிடி நடவடிக்கைகளில் ஈடுபட்ட 16 மீனவர்களும் கைது செய்யப்பட்டுள்ளனர்.

அத்துடன் இவர்களிடமிருந்து 384 கி.கி அளவிலான மீன்களும், இயந்திரப்படகொன்றும், தடை செய்யப்பட்ட மூன்று வலைகளும் கைப்பற்றப்பட்டுள்ளன.