19 ஆம் திகதி ஆஜராகுமாறு தென்னக்கோனுக்கு நோட்டீஸ்

கட்டாய விடுமுறையில் இருக்கும் பொலிஸ் மா அதிபரின் ​( ஐஜிபி) தவறான நடத்தை மற்றும் கடுமையான அதிகார துஷ்பிரயோகம் குறித்து விசாரித்து அறிக்கை அளிக்க நியமிக்கப்பட்ட விசாரணைக் குழு, முதற்கட்ட விசாரணைகளைத் தொடர்ந்து அதன் விசாரணையைத் தொடங்கும்.

பொலிஸ் மா அதிபர் டி.எம்.டபிள்யூ.  தேசபந்து தென்னகோன் 19 ஆம் திகதி முதல் முறையாக விசாரணைக் குழுவின் முன் ஆஜராவார்.

  தேசபந்து தென்னகோன் செய்ததாகக் கூறப்படும் தவறான நடத்தை மற்றும் கடுமையான அதிகார துஷ்பிரயோகம் குறித்து விசாரித்து அறிக்கை அளிக்க நியமிக்கப்பட்ட விசாரணைக் குழு, கடந்த சில வாரங்களாக பாராளுமன்ற வளாகத்தில் கூடி முதற்கட்ட விசாரணைகளை நடத்திய பின்னர், வரும் 19 ஆம் திகதி முதல் தனது விசாரணையைத் தொடங்க உள்ளது.

அதன்படி, குழு சமீபத்தில் ஐஜிபி தேசபந்து தென்னகோனுக்கு 19 ஆம் திகதி குழுவின் முன் ஆஜராகுமாறு நோட்டீஸ் அனுப்பியது, அதன்படி, விசாரணை நடத்தப்படுவதற்காக அன்றைய தினம் அவர் முதல் முறையாக குழுவின் முன் ஆஜராக உள்ளார். இந்தக் குழு   பாராளுமன்றத்தில் வியாழக்கிழமை (15) கூடி, விசாரணை நடத்துவது குறித்து மேலும் விவாதித்தது. விசாரணைக் குழு 19 ஆம் திகதி பிற்பகல் 2:00 மணிக்கு பாராளுமன்றத்தின் குழு அறை எண் 8 இல் கூட உள்ளது.