கிரிக்கெட் விளையாடியவர் கைது

கொழும்பு- 2, வொக்ஸ்ஷோல் வீதியில் கிரிக்கெட் விளையாடிய சிறுவன் அவ்வீதியில் பயணித்த வாகனங்களுக்கு இடையூறுவிளைவித்தமை தொடர்பாகவும், பாதசாரிகளுக்கு இடையூறு விளைவித்தமை தொடர்பாகவும் கொம்பனி வீதி பொலிஸாரினால் கைதுசெய்யப்பட்டு நீதிமன்றில் ஆஜர்படுத்தப்பட்டுள்ளான்.

இவ்வழக்கு, கொழும்பு கோட்டை நீதவான் நீதிமன்றில் நீதவான் பிரியந்த லியனகேயால் விசாரணைக்கு எடுக்கப்பட்டபோது அச்சிறுவன் மீது சுமத்தப்பட்ட குற்றச்சாட்டுக்கள் நிரூபிக்கபட்டுள்ளதாகவும் இதுமாதிரியான செயற்பாட்டில் இனி ஈடுபடக்கூடாது என எச்சரித்து மேற்படி சிறுவன் விடுதலை செய்யப்பட்டுள்ளான்.

இது போன்ற குற்றச்சாட்டில் இரண்டாவது முறை ஈடுபடுபவர்கள் மீது சட்டத்தின்படி ரூபாய் 5, 000 தொடக்கம் ரூபாய் 50,000 வரை அபராதம் விதிக்கப்பட்டலாம் என பொலிஸார் தெரிவித்தனர்.