நீரில் மூழ்கி ஐவர் உயிரிழப்பு

வலஸ்முல்ல, வராபிட்டிய வாவியில் குளிக்கச்சென்ற ஐவர் நீரில் மூழ்கி உயிரிழந்துள்ளதாக பொலிஸார் தெரிவித்தனர். 

இன்று ஞாயிற்றுக்கிழமை (19) இடம்பெற்ற இந்தச் சம்பவத்தில் உயிரிழந்தவர்களில் மூவர் பெண்களாவர்.

வராப்பிட்டிய ஏரிக்கு அருகில் முச்சக்கரவண்டி மற்றும் மோட்டர் சைக்கிள் நீண்ட நேரமாக அநாதரவாக நின்றமையினால் இது குறித்து பொலிஸாருக்கு அறிவிக்கப்பட்டது. 

சம்பவ இடத்துக்கு விரைந்த பொலிஸார், வாகனங்களில் வந்துள்ளவர்கள் குளிக்கச்சென்றுள்ளதை அறிந்து ஏரியில் தேடுதல் நடத்தியே போது நால்வரின் சடலங்கள் மீட்கப்பட்டுள்ளன. 

எனினும், நீரில் மூழ்கி நீரை அருந்திய நிலையில் மீட்கப்பட்ட இளைஞர் வைத்தியசாலையில் அனுமதிக்கப்பட்ட பின்னர் உயிரிழந்ததாக பொலிஸார் தெரிவித்தனர்.

இவ்வாறு உயிரிழந்தவர்கள் இன்னும் இனங்காணப்படவில்லையெனத் தெரிவித்த பொலிஸார் மேலதிக விசாரணைகளை மேற்கொண்டு வருகின்றனர்.