பஸ் விபத்தில் 16 மாணவர்கள் காயம்

பாடசாலை சேவையில் ஈடுபடும் பஸ் முன்னால் பயணித்த ஜீப் ரக வாகனத்தில் மோதி இந்த விபத்து ஏற்பட்டுள்ளது.

குறித்த பஸ்ஸின் சாரதி வீதி சமிஞ்சையை கவனிக்க தவறி முன்னால் சென்ற ஜீப் ரக வாகனத்தில் மோதியுள்ளதாக பொலிஸார் தெரிவித்துள்ளனர்.
 
இந்த விபத்தில் 12 மாணவிகளும் 4 மாணவர்களும் காயமடைந்துள்ளதாக தெரிவிக்கப்படுகின்றது.

காயமடைந்தவர்கள் அனைவரும் சிகிச்சைகளுக்காக கொழும்பு தேசிய வைத்தியசாலையில் அனுமதிக்கப்பட்டுள்ளனர்.

குறித்த பஸ் எங்கிருந்து வந்தது என்பது தொடர்பில் உறுதியான தகவல்கள் இன்னும் கிடைக்கபெறவில்லை