மின்தடை விவகாரம்: ஆராய உத்தரவு

மின்சாரத் தடை குறித்து ஆராய்ந்து அறிக்கை சமர்ப்பிக்குமாறு, அமைச்சின் செயலாளருக்கு பணிப்புரை விடுத்துள்ளதாக, மின்சக்தி அமைச்சர் ரஞ்சித் சியாம்பலாபிடிய தெரிவித்துள்ளார்.

நாடு பூராகவும் ஞாயிற்றுக்கிழமை இரவு 11.56 இல் இருந்து அதிகாலை 4.07 வரை சுமார் 5 மணித்தியாலங்கள் மின்சாரம் தடைப்பட்டிருந்தது.

இந்த மின்தடையால் பயனாளிகளுக்கு ஏற்பட்ட அசௌகரியம் தொடர்பிலும் அமைச்சர் இதன்போது கவலை வெளியிட்டுள்ளார்.

சம்பவம் குறித்து விரிவான விசாரணைகள் முன்னெடுக்கப்பட்டு வருவதாக மின்சார சபையின் தலைவர் அனுர விஜேயபால தெரிவித்துள்ளமை குறிப்பிடத்தக்கது.