நெத்தலிக்குள் ஹெரோய்ன்: பெண் கைது

பொரித்த நெத்தலியின் வயிற்றுக்குள், பக்கற் செய்யப்பட்ட ஹெரோய்னை வைத்து, கைதியொருவருக்கு கொண்டு சென்ற 54 வயதான பெண்ணைக் கைதுசெய்துள்ளதாக பொலிஸார் தெரிவித்தனர்.

மெகஸின் சிறைச்சாலையில் தடுத்துவைக்கப்பட்டிருக்கும் கைதிக்கு உணவு கொண்டுசெல்வதைப் போல, சிறைச்சாலைக்குள் அந்த ஹெரோய்னை அப்பெண் கொண்டுசெல்வதற்கு முயன்றுள்ளதாகப் பொலிஸார் தெரிவித்தனர்.

பொரித்த நெத்தலியின் வயிறுக்குள் இருந்தவற்றை அகற்றிவிட்டு, அதற்குள் சின்னஞ்சிறிய பொதிகளை மறைத்துவைத்து, சாப்பாடு கொண்டுசெல்லும் பிளாஸ்டிக் பாத்திரத்தில் வைத்தே 2 கிராம் மற்றும் 300 மில்லிகிராம் ஹெரோயினைக் கொண்டுசெல்வதற்கு முயன்றுள்ளார்.

84 பக்கெற்றுகள் இருந்ததாகவும் அவை ஒவ்வொன்றும் 5 ஆயிரம் ரூபாய்க்கு விற்கப்படுவதாகவும் தகவல்கள் கிடைத்துள்ளன என்றும் பொலிஸார் தெரிவித்தனர்.