587 பட்டதாரிகளுக்கு ஆசிரியர் நியமனம்

மேல் மாகாண பட்டதாரி ஆசிரியர்களுக்கு நியமனம் வழங்கும் நிகழ்வு, ஜனாதிபதி மைத்திரிபால சிறிசேன தலைமையில், கொழும்பு- இலங்கை மன்றக் கேட்போர் கூடத்தில் இன்று (02) இடம்பெற்றது. 

ஜூன் மாதம்  நடத்தப்பட்ட ​போட்டிப் பரீட்சையில் தோற்றிய 15,000 பேரில், முதற்கட்டமாக 587 பேருக்கு ​இவ்வாறு நியமனம் வழங்கப்பட்டுள்ளது.

இந்நிகழ்வில், நாடாளுமன்ற உறுப்பினர்களான லசந்த அழகியவன்ன, திலங்க சுமதிபால, மேல் மாகாண ஆளுநர் ஏ.ஜே.எம்.எல். முஸம்மில், மேல் மாகாண கல்வி அமைச்சின் அதிகாரிகள் உட்பட பலர் பங்கேற்றிருந்தனர்.