PCR தரம், கட்டணத்தை ஒழுங்குப்படுத்தும் சுகாதார அமைச்சு

தனியார் பிரிவுகளால் முன்னெடுக்கப்படும் பி.சி.ஆர் பரிசோதனைகளின்  தரம் மற்றும் கட்டணத்தை ஒழுங்குப்படுத்தவுள்ளதாக சுகாதார அமைச்சு அறிவித்துள்ளது.

இதற்கமைய, ஒரு பி.சி.ஆர் இயந்திரத்தின் மூலம் நாளொன்றுக்கு 1,500 பரிசோதனைகளையே முன்னெடுக்க  முடியும் என்ற நிலையில், சில தனியார் பிரிவுகளில்  5,000- 7,000 வரையான பரிசோதனைகளை முன்னெடுப்பதாகவும் சுகாதார அமைச்சின் வைத்திய சேவை பிரதி பணிப்பாளர் நாயகம் வைத்தியர் ஜீ.விஜேசூரிய தெரிவித்துள்ளார்.

இதனால் பரிசோதனையின் தரம் தொடர்பில் சிக்கல் ஏற்பட்டுள்ளதாகவும் அவர் தெரிவித்துள்ளார்.

அதற்கமைய, இந்த வாரம் சம்பந்தப்பட்ட அதிகாரிகளை அழைத்து அது தொடர்பில் கலந்துரையாடி, அது சம்பந்தமான சுற்றுநிருபத்தை வெளியிட தீர்மானித்துள்ளதாகவும் தெரிவித்துள்ளார்.

அத்துடன் தனியார் பிரிவுகளில் முன்னெடுக்கப்படும் பி.சி.ஆர் பரிசோதனைகளுக்கு அதிகமாக கட்டணம் அறவிடப்படுவதை நிறுத்துவது தொடர்பான சுற்றுநிருபத்தை வெளியிடவுள்ளதாகவும் அவர் தெரிவித்துள்ளார்.