ஆட்டுக்கொட்டிலுக்கு தீ வைப்பு; ஆடுகள் கருகின

ஏ.எம்.ஏ.பரீத், ஹஸ்பர் ஏ ஹலீம், எம். எஸ். அப்துல் ஹலீம்

திருகோணமலை, தம்பலகாமம் பொலிஸ் பிரிவு, முள்ளிப்பொத்தானை பிரதேசத்தில் 228 ஜீ கிராம சேவையாளர் பிரிவில் ஆட்டுக் கொட்டிலொன்று, இன்று (25) அதிகாலை 3.30 மணியளவில் இனந்தெரியாதோரால் தீ வைத்து எரிக்கப்பட்டுள்ளது.

இதனால் இக்கொட்டிலில் இருந்த பெரிய ஆடுகள் 5 தீயில் கருகி இறந்துள்ளனவென, தம்பலகாமம் பொலிஸார் தெரிவித்தனர்.

இது தொடர்பில் தம்பலகாமம் பொலிஸார், சம்பவ இடத்துக்குச் சென்று விசாரணைகளை மேற்கொண்டு வருகின்றனர்.