இரும்புகள் திருடியவர்களுக்கு விளக்கமறியல்

திருகோணமலையில் அமைந்துள்ள பெற்றோலிய நிறுவனத்துக்குச் சொந்தமான 400 கிலோகிராம் இரும்புகளைத் திருடிய இருவரை, இம்மாதம் 27ஆம் திகதி வரை விளக்கமறியலில் வைக்குமாறு, திருகோணமலை நீதவான் எம்.எச்.எம்.ஹம்ஸா உத்தரவிட்டார்.

சமன்புர, சீனக்குடா பகுதியைச் சேர்ந்த 29, 28 வயதுடைய இருவரே விளக்கமறியலில் வைக்கப்பட்டுள்ளனர்.

குறித்த சந்தேக நபர்கள் இருவரும் இணைந்து, திருடிய இரும்புகளை, ஓட்டோவில் கொண்டு சென்ற போது, சீனக்குடா போக்குவரத்துப் பொலிஸாரால் கைதுசெய்யப்பட்டிருந்தனர்.