உக்கும் கழிவுகள், உக்காத கழிவுகள் என வேறுபடுத்துமாறு கோரிக்கை

ஏ எம்.ஏ.பரீத்

கிண்ணியா பிரதேசத்தில் அன்றாடம் சேரும் கழிவுகளை உக்கும் கழிவுகள், உக்காத கழிவுகள் என இருவேறாகப் பிரித்து வைக்குமாறு,  கிண்ணியா நகர சபையினால், பள்ளிவாசல்களிலுள்ள ஒலி பெருகிகள் மூலம் பொது மக்களுக்கு, செவ்வாய்க்கிழமை (02) அறிவிக்கப்பட்டது.

கிண்ணியா நகர சபையினால் பைசல் நகர் சின்னத் தோட்டத்தில் பசளை தயாரிக்கும் செயற்றிட்டம் தற்போது ஆரம்பிக்கப்பட்டுள்ளது .

இந்தச் செயற்றிட்டத்துக்கு பிரதேச மக்களின் பூரண ஒத்துழைப்பு அவசியம் இன்றியமையாததாகக் காணப்படுதாகவும் கிண்ணியா நகர சபையினர் அறிவித்துள்ளனர்.

இப்பிரதேசங்களில் வாரத்தில் ஒரு நாள் சேகரிக்கப்படும் கழிவுப்பொருட்களை வேறுபடுத்தி வைக்குமாறும் கிண்ணியா நகர சபை நிர்வாக உத்தியோகத்தர் இதன்போது, கேட்டுக் கொண்டார்.