உள்ளூர் துப்பாக்கியுடன் இளைஞன் கைது

அப்துல்சலாம் யாசீம்

திருகோணமலை - கோமரங்கடவல பொலிஸ் பிரிவுக்குட்பட்ட கூட்டிக்குளம் பிரதேசத்தில், அதே பிரதேசத்தைச் சேர்ந்த 23 வயது இளைஞனொருவர், உள்ளூர் துப்பாக்கியுடன், இன்று (17)  கைது செய்யப்பட்டுள்ளாரென, பொலிஸார் தெரிவித்தனர்.  

உள்ளூர் துப்பாக்கியைப் பயன்படுத்தி, மிருகங்களை வேட்டையாடி வருவதாக  பொலிஸாருக்குக் கிடைக்கப்பெற்ற தகவலையடுத்து, இவர் தொடர்பில் பொலிஸார்  கவனம் செலுத்தி வந்தனர்.

இந்நிலையில், இவர் துப்பாக்கியை எடுத்துக்கொண்டு வேட்டையாடுவதற்காக காட்டுப் பகுதிக்குச் செல்லும் போது,  இவரை கைது செய்ததாக, பொலிஸார் தெரிவித்தனர்.

சந்தேகநபர் தொடர்பில் முன் குற்றங்கள்  ஏதாவது இருக்கின்றனவா என விசாரணைகளை முன்னெடுத்து வருவதாக, கோமரங்கடவல பொலிஸார் மேலும் தெரிவித்தனர்.