கசிப்பு உற்பத்தியில் ஈடுபட்டு வந்த இருவர் கைது

நடுவூற்று, மகாவலி கங்கைக்கு அருகிலுள்ள காட்டுப் பகுதியில் சட்டவிரோதமான முறையில் கசிப்பு உற்பத்தியில் ஈடுபட்டு வந்த 28, 32 வயதுகளையுடைய இருவரை, இன்று(24) அதிகாலை கைதுசெய்துள்ளதாக, கிண்ணியாப் பொலிஸார் தெரிவித்தனர். 

கிண்ணியா, ஆலங்கேணி பகுதியை சேர்ந்த சந்தேகநபர்களையே இவ்வாறு கைது செய்யப்பட்டுள்ளதாக பொலிஸார் தெரிவித்தனர். 

மகாவலி, நடுவூற்று காட்டுப்பகுதிக்குள் கசிப்பு உற்பத்தியில் ஈடுபட்டு வந்த சந்தேகநபர்களை கைது செய்து சோதனையிட்டபோது மறைத்து வைக்கப்பட்டிருந்த 480 போடா போத்தல்களையும் கைப்பற்றியுள்ளதாக பொலிஸார் தெரிவித்தனர். 

கைது செய்யப்பட்ட சந்தேக நபர்களை பொலிஸ் பிணையில் விடுவித்துள்ளார் எதிர்வரும் புதன்கிழமை திருகோணமலை நீதிமன்றில் ஆஜராகுமாறு கிண்ணியா பொலிஸார் தெரிவித்தனர்.