கசிப்புக் காய்ச்சியவருக்கு தண்டம்

நஹீம் முஹம்மட் புஹாரி

சேருநுவர பொலிஸ் பிரிவுக்குட்பட்ட ஈச்சிலம்பற்று பிரதேசத்தில், சட்ட விரோதான முறையில் கசிப்புக் காய்ச்சி  விற்பனை செய்த நபருக்கு 43,000 ரூபாய் தண்டப்பணம் விதித்து, மூதூர் நீதிமன்றம் இன்று புதன்கிழமை (04) தீர்ப்பளித்தது.

இவர், சேருநுவர பொலிஸார் நேற்று செவ்வாய்க்கிழமை (03) கைது செய்யப்பட்டிருந்தார்.

இதன்போது, குறித்த நபரினுடைய வீட்டிலிருந்து கசிப்புக் காய்ச்சுவதற்கு பயன்படுத்தப்பட்ட கோடா மற்றும் வேறு சில பொருட்களும் பொலிஸாரினால் கைப்பற்றப்பட்டிருந்தது.