கசிப்பு காய்ச்சி விற்பனை செய்த இளைஞர்கள் கைது

-தீசான் அஹமட்

திருகோணமலை, குச்சவெளிப் பொலிஸ் பிரிவுக்குட்பட்ட திரியாய் காட்டுப் பகுதியில் சட்டவிரோதமாக கசிப்புக் காய்ச்சி விற்பனை செய்து வந்த 21 மற்றும் 23 வயதுடைய இரண்டு இளைஞர்களை நேற்று வெள்ளிக்கிழமை (05) இரவு கைதுசெய்துள்ளதாக குச்சவெளிப் பொலிஸார் தெரிவித்தனர்.

சந்தேகநபர்கள், கசிப்புக் காய்ச்சிய இடத்தை சோதனைக்குட்படுத்திய போது, 15,750 மில்லி லீற்றர் கசிப்புக் கைப்பற்றப்பட்டதாகப் பொலிஸார் தெரிவித்தனர்.

கைதுசெய்யப்பட்ட இருவரும், பொலிஸ் தடுப்புக் காவலில் வைக்கப்பட்டுள்ளதாக குச்சவெளிப் பொலிஸார் தெரிவித்தனர்.