கட்டுத்துவக்குடன் ஒருவர் கைது

எப்.முபாரக் 

திருகோணமலை, கோமரங்கடவெல பொலிஸ் பிரிவுக்குட்பட்ட பகுதியில் கட்டுத்துவக்கு ஒன்றை சட்டவிரோதமான முறையில் வைத்திருந்த சந்தேகநபரை, நேற்று (05) கைது செய்துள்ளதாக கோமரங்கடவெல பொலிஸார் தெரிவித்தனர்.

மல்போசல, கோமரங்கடவெல பகுதியைச் சேர்ந்த 27 வயதுடைய ஒருவரையே பொலிஸார் கைது செய்துள்ளனர்.

சந்தேகநபர், மிருகங்களை வேட்டையாடுவதற்காக சட்டவிரோதமான முறையில் அனுமதிப்பத்திரமின்றி வீட்டின் பின்புறத்தில் கட்டுத்துவக்கை மறைத்து வைத்திருந்த நிலையில், கோமரங்கடவெல பொலிஸாருக்கு கிடைத்த தகவலின் அடிப்படையில் கட்டுத்துவக்குடன் சந்தேகநபரை கைது செய்துள்ளதாக பொலிஸார் தெரிவித்தனர்.