குடும்பஸ்தர் கைது

கிண்ணியா பொலிஸ் பிரிவு, பெரியாற்றுமுனைப் பகுதியில், கேரளா கஞ்சா, போதைமாத்திரைகள்  வைத்திருந்த குற்றச்சாட்டில் குடும்பஸ்தர் ஒருவர், திருகோணமலை பிராந்தியப் போதைப்பொருள் தடுப்புப் பிரிவுப் பொலிஸாரால் இன்று(17) கைதுசெய்யப்பட்டுள்ளார்.

கிண்ணியா – 06, பெரியாற்று முனை புலிக்குட்டித் தீவைச் சேர்ந்த (வயது -27) குடும்பஸ்தர் ஒருவரே, இவ்வாறு கைதுசெய்யப்பட்டவராவர்.

இவரிடமிருந்து 45 கிராம் கேரளா கஞ்சாவும், 13 போதை மாத்திரைகளும்  பொலிஸாரால் கைப்பற்றப்பட்டன.