கைக் குண்டு மீட்பு

-நஹீம் முஹம்மட் புஹாரி

மூதூர்-பாலநகர் பிரதேசத்திலுள்ள தனியாருக்குச் சொந்தமான காணி ஒன்றிலிருந்து இன்று வியாழக்கிழமை கைக் குண்டொன்று மீட்கப்பட்டு செயலிழக்கச் செய்யப்பட்டுள்ளதாக மூதூர் பொலிஸார் தெரிவித்தனர்.

கிடைக்கப்பெற்ற இரகசிய தகவலை அடுத்து ஸ்தலத்துக்கு விரைந்த பொலிஸார் அந்த காணியிலிருந்து கைக் குண்டை மீட்டு விசேட அதிரடி படையின் ஒத்துழைப்புடன் செயலிழக்கச் செய்துள்ளனர்.

இச்சம்பவம் தொடர்பில் மூதூர் பொலிஸார் மேலதிக விசாரணைகளை மேற்கொண்டு வருகின்றனர்.