கேரள கஞ்சா வைத்திருந்தவருக்கு மறியல்

 எப்.முபாரக்

திருகோணமலை கந்தளாய் பொலிஸ் பிரிவுக்குட்பட்ட பகுதியில், ஒரு கிலோகிராம் கேரளா கஞ்சாவை வைத்திருந்த நபர் ஒருவரை, எதிர்வரும் 7ஆம் திகதி வரை விளக்கமறியலில் வைக்குமாறு,  கந்தளாய் நீதிமன்ற நீதவான் நேற்று (24) உத்தரவிட்டார்.

கந்தளாய், வட்டுக்கச்சி பகுதியைச் சேர்ந்த 34 வயதுடைய ஒருவரே, விளக்கமறியலில் வைக்கப்பட்டுள்ளனர்.  

குறித்த சந்தேக நபர், ஒரு கிலோகிராம் கேரளா கஞ்சா பொதியை அனுப்புவதற்காக தயார் செய்து வைத்திருந்த நிலையில், பொலிஸாருக்கு கிடைத்த தகவலின் அடிப்படையில், நேற்று முன்தினம் இரவு கைது செய்யப்பட்டார்.

குறித்த சந்தேக நபரை பொலிஸார் கந்தளாய் நீதிமன்ற நீதவான் முன்னிலையில் ஆஜர்படுத்திய போதே விளக்கமறியலில் வைக்குமாறு உத்தரவிட்டார்.