சிறுநீரக சிகிச்சைப் பிரிவை ஏற்படுத்த கோரிக்கை

ஏ.எம்.ஏ.பரீத், கீத்

திருகோணமலை மாவட்ட வைத்தியசாலைகளில் சிறுநீரக சிகிச்சை பிரிவு இல்லாததால், அங்கு வரும் சிறுநீரக நோயாளிகள், மேலதிக சிகிச்சைக்காக மட்டக்களப்பு, அநுராதபுரம் வைத்தியசாலைகளுக்கு மாற்றப்படுகின்றனர்.

திருகோணமலை மாவட்டத்தில் மத்திய அரசின் கீழ், திருகோணமலை தள வைத்தியசாலை, கந்தளாய் ஆதார வைத்தியசாலை என்பனவும், மாகாண சபையின் கீழ், பிரதானமாக மூதூர், கிண்ணியா ஆதார வைத்தியசாலைகளும் இயங்குகின்றன.

ஆயினும், இவற்றில் ஒன்றில்கூட சிறுநீரக சிகிச்சை பிரிவு இல்லை, அதனால் விசேட வைத்திய நிபுணரும் இல்லை.

திருகோணமலை வடக்கு பிரதேசங்களில் ஏராளமான சிறுநீரக நோயாளர்கள் உள்ள நிலையில், இதுவரை இப்பிரிவு இங்கு ஏற்படுத்தப்படாதமை குறித்து பொதுமக்கள் கவலை தெரிவிக்கின்றனர்.