‘சுத்தமான குடிநீரை வழங்கவும்’

திருகோணமலை, மொறவெவ பிரதேச செயலாளர் பிரிவுக்குட்பட்ட மஹாதிவுல்வெவ பிரதேச வைத்தியசாலைக்கு, சுத்தமான குடிநீரை வழங்க நடவடிக்கை எடுக்க வேண்டுமென, நோயாளர்கள் கோரிக்கை விடுத்துள்ளனர்.

இவ்வைத்தியசாலைக்கு, ஹொரவ்பொத்தானை, கோமரங்கடவல பகுதிகளைச் சேர்ந்த அதிகளவிலான நோயாளர்கள் வருகை தருவதாகவும், நோயாளர்கள் விடுதியில் தங்கி ​சிகிச்சை பெறுகின்ற போது, நோயாளர்களுக்குச் சுத்தமான குடிநீர் இன்மையால் மிகவும் சிரமப்பட்டு வருவதாகவும், நோயாளர்கள் விசனம் தெரிவிக்கின்றனர்.

எனவே, நோயாளர்களின் நலன் கருதி, சுத்தமான குடிநீரை வழங்குவதற்கு, கிழக்கு மாகாண சுகாதார அமைச்சும் திருகோணமலை பிராந்திய சுகாதாரத் திணைக்களமும் கவனம் எடுக்க வேண்டுமென, நோயாளர்கள் கோரிக்கை விடுக்கின்றனர்.