சுள்ளி முறிச்சான் தீவில் குண்டு மீட்பு

ஏ.எம்.ஏ.பரீத்

கிண்ணியா பொலிஸ் பிரிவிலுள்ள  சுள்ளி முறிச்சான் தீவுப் பகுதி  குடியிருப்பு காணி ஒன்றில்  மோட்டார்  குண்டொன்று நேற்றுக் காலை மீட்கப்பட்டதாக கிண்ணியா பொலிஸார் தெரிவித்தனர்.இக் குடியிருப்புக் காணியில் குழியொன்றை  வெட்டும் போது,கண்டெடுக்கப்பட்ட இக்குண்டு  தொடர்பாக  கிண்ணியா பொலிஸாருக்கு தகவலை வழங்கியதும் சம்பவ இடத்திற்கு விரைந்த பொலிஸார் '60 ரக மோட்டார் குண்டு'  என அடையாளங்கண்டு குண்டை  மீட்டுள்ளனர்.இது தொடர்பான விசாரணையை கிண்ணியா பொலிஸார் மேற்கொண்டுவருகின்றனர்.