டிப்பர் மோதி சிறுமி உயிரிழப்பு; சாரதி கைது

திருகோணமலை - கண்டி பிரதான வீதியின், கல்ஒயா பொலிஸ் பிரிவுக்குட்பட்ட ஹதரஸ்கொட்டுவப் பகுதியில், டிப்பர் வாகனமொன்று மோதியதில், 09 வயதுச் சிறுமி ஸ்தலத்திலே உயிரிழந்துள்ளாரென, பொலிஸார் தெரிவித்தனர்.

நேற்று  (30) மாலை இடம்பெற்ற இந்த விபத்தில், அதே பகுதியைச் சேர்ந்த டபிள்யூ.எம்.பிரியங்கிக்கா என்ற சிறுமியே உயிரிழந்துள்ளார்.

சிறுமி, வீதியைக் கடக்க முற்பட்ட வேளை வேகமாக வந்த  டிப்பர் வாகனம் சிறுமியை மோதித்தள்ளியமையாலேயே, சிறுமி உயிரிழந்துள்ளாரெனத் தெரியவருகின்றது.

சிறுமியின் சடலம், கந்தளாய் தள வைத்தியசாலையின் பிரேத அரையில் வைக்கப்பட்டுள்ளதோடு, உறவினர்களிடம் கையளிக்க நடவடிக்கைகள் மேற்கொண்டுள்ளதாகப் பொலிஸார் தெரிவித்தனர்.

அதேவேளை, டிப்பர் வாகனத்தின் சாரதியைக் கைது செய்துள்ளதோடு, அவரை நீதிமன்றில் ஆஜர்படுத்தவுள்ளதாகவும் பொலிஸார் தெரிவித்தனர்.