திருமண வீட்டில் கைகலப்பு; ஒருவர் படுகாயம்

ஏ.எஸ்.எம்.யாசீம்

திருகோணமலை -மகாதிவுள்வெவ பகுதியில் திருமண வீடொன்றில் இரு குழுக்களுக்கு இடையே எற்பட்ட கைகலப்பில், படுகாயமடைந்த ஒருவரை  வைத்தியாசாலையில் அனுமதித்துள்ளதாக பொலிஸார் நேற்று (18) தெரிவித்தனர்.

இச்சம்பவத்தில் திருகோணமலை -மகாதிவுள்வௌ பகுதியைச் சேர்ந்த  எச்.சிறில் பிறேமதிலக என்ற வயது 57 வயதான வயோதிபரே படுகாயமடைந்துள்ளார்.

இதேவேளை, கைகலப்பில் ஈடுபட்ட ஏனையோர் தலைமறைவாகியுள்ள நிலையில் அவர்களை தேடும் நடவடிக்கையில் பொலிஸார் ஈடுபட்டுள்ளனர்.

இச்சம்பவம் குறித்த மேலதிக விசாரணைகளை மொறவெவ பொலிஸார் மேற்கொண்டு வருகின்றனர்.