‘நேரத்தை சரிப்படுத்தவும்’

எஸ்.எல்.நௌபர்

மூதூர் பிரதேச சபை எல்லைக்குட்பட்ட மூதூர், புளியடிச்சந்தியில் அமைந்துள்ள மணிக்கூட்டுக் கோபுரம், நீண்டகாலமாக இயங்காது பழுதடைந்து காணப்படுகின்றது. இந்த மணிக்கூட்டுக் கோபுரத்தை புனரமைக்க உரிய அதிகாரிகள் கவனம் செலுத்தவேண்டுமென, பொதுமக்கள் கோரிக்கை விடுக்கின்றனர்.

மேற்படி மணிக்கூட்டுக் கோபுரம் அமையப்பட்டுள்ள இடத்துக்கு அருகில் பாடசாலைகள், மயானம், பஸ் தரிப்பு நிலையம் என்பன அமைந்துள்ளதோடு, அதிக சன நடமாட்டமுள்ள இடமாகவும் உள்ளது.

எனவே, இதனை இயங்கச்செய்வதன் மூலம்  பொதுமக்கள் சரியான நேரத்தை அறிந்து செயற்பட வாய்ப்புள்ளதாகத் தெரிவிக்கும் பொதுமக்கள், அதிகாரிகளை கவனமெடுக்குமொறு கோரிக்கை விடுக்கின்றனர்.