பண்ணிசை மேம்பாட்டுக்கு சுருதிப் பெட்டிகள் வழங்கல்

ஏ.எம்.ஏ.பரீத், எப்.முபாரக், ஒலுமுதீன்  கியாஸ், அ.அச்சுதன்

திருகோணமலை மாவட்டத்தில் தெரிவுசெய்யப்பட்ட அறநெறிப் பாடசாலை பொறுப்பாசிரியர்களுக்கு, சுருதி இசைப் பெட்டிகள், மாவட்டச் செயலாளர் என்.ஏ.ஏ.புஸ்பகுமாரவால் நேற்று (09)  வழங்கப்பட்டன. 

மாவட்டச் செயலாளரது அலுவலகத்தில் நடைபெற்ற இந்நிகழ்வில், மேலதிக அரசாங்க அதிபர் கே.அருந்தவராசா, உதவி மாவட்டச் செயலாளர் என்.பிரதீபன் ஆகியோர் கலந்துகொண்டனர்.

பண்ணிசையை மேம்படுத்தும் நோக்கில், இந்து சமயக் கலாசார அலுவல்கள் திணைக்களத்தின் ஊடாக இவை வழங்கப்பட்டமை குறிப்பிடத்தக்கது.